Vågå AP vil ikkje privatisere kommunale vegar

Av
Artikkelen er over 1 år gammel
DEL

Leserbrev Vågå Arbeiderparti er mot privatisering av kommunale vegar. Vi er difor glade for at Vågå Senterpartiet no signaliserer at dei er villige til å revurdere fleirtalsvedtaket dei hadde saman med Bygdalista og SV om å privatisere kommunale vegar. Attendemeldingane frå innbyggjarane våre på dette fleirtalsvedtaket er heilt klare med underskriftsaksjonar og mange reaksjonar. Veg er viktig for å oppretthalde levande grender! Vi er glade for at Vågå Senterparti er i ferd med å snu, men i denne saka er ikkje kompromiss eit alternativ for oss - av den enkle grunn at Vågå Arbeiderparti ikkje vil privatisere kommunale vegar.

Om Vågå Senterparti ynskjer å gjere om sitt eige budsjettvedtak med å privatisere kommunale vegar, står dei sjølvsagt fritt til å gjere det. Dette er eit forslag vi vil støtte og som vil stoppe privatiseringa av kommunale vegar. Noko som vi er glade for.

Skriv ditt leserbrev her «

DELTA I DEBATTEN! Vi oppfordrer leserne til å bidra med sine meninger, både på nett og i papir

Artikkeltags